今年年初 我轉咗行 渣車 搵食. 做開 寫字樓, 由 工廠 engineer 做咗 16年, 轉咗去 做 出口 買手 5年.
見危知機, 2008年 我已考定 重型 車牌. 今年 年頭, 我考埋個 私人巴士 牌 (即 永東 果d, 並不包 九巴,城巴. 而家係 分開).
環境 所逼, 2013年 三月份 咁我去咗 一間 大公司做 '送貨佬' .
入咗 運輸尼一行, 我發現 有唔少 老一輩 都唔係 好用 廢氣剎車掣.
平時一早 我會 查 一架 貨車 走一轉送貨. 返到公司 會 交部 車 畀另一位同事 渣. 我會轉另一部車.
今日 接手個司機話, 我開咗個 廢氣剎車掣, '佢話 你都好鐘意開啝, 用得多好容易壞' , 聽個口吻 有 敵意咁, 我 啊 完就算數. 心諗, 你估部車你嘅咩, 唔用得呀, 唔識用你就慳d喇. 西貢 旅遊巴 落斜 無 brake 害死好多人 咪就係你尼d 無知老鬼 (大部份)所致.
我見佢平時 根本 任何時候都唔用, 包括 落斜 及 架車 仲有 重貨 未落. 每個人 查車 都有自己 風格, 你點渣你鐘意喇, 我點 渣, 關你鬼事咩.
首先 部車 係公司嘅, 真係會壞咪拎去整.
第二係 你成日 只用 brake, over heat 失效, 成車人 死得喇, 人命唔貴過架車.
人地設計得出嚟, 用嚟救命, 咁易壞, 會唔會呀, it doesn't make sense.
為咗平反, 我google一下 .
|