返回列表 回復 發帖

2015-08-19 本田 Integra S 750

又同大家 講下 我最近 轉咗部新車. Honda Integra 750S. 5 月訂到 八月中 先收到貨.
http://www.ibike.com.hk/01_bike_report/14/honda/integra/arrival/2.htm
換車前 我 一次過賣走 兩部車. 一切 從簡.
Suzuki AN400. 尼部車真係 好車一台. 無乜點壞. 坐底, 載人舒服, 載貨量大. 雙騎都夠力. 查實唔係 為換而換, 都無乜原因要換.
同時間 我有 另一 HYOSUNG GV650. 我部車  有大量 電鍍件, Harley 風檔, 加裝埋個 轉數表.
查實韓國車, 始終都係 差過日本. 部車一到100Km 就 振過貓王. 可能因為平, 無 平衡軸. 底轉無乜扭力, 載人 又易死火. 搞到我 要 畀大油. 我係度提醒大家, 隻腳伸前, 無得郁 一耐 會好累. 即可以講 Harley長途 都幾辛苦. 我玩咗兩年都係 行 2500Km. 直頭新車一樣. 650CC 當然 要快 唔會難到佢.

講返尼部車. 度咗好幾部車. 最大原因 係可以 用返 Givi的側箱. 而放棄咗 Yamaha XP530, SYM 600i, 有點搞笑.


我見個 790mm坐高應 無乜問題. 原 來 坐位 好坐 夠寬, 隻腳停車 跳 巴雷舞. 除咗吊腳, 我無乜野話佢.
頭尾17" 轆, 直頭街車感覺. 自動波 包唔死火. 用D 行, 偏向 高波. 3000rpm 行 100Km 2000rpm 85Km. 我都第一次見. 想唔慳油都難.  (一般電單車係  5000rpm 行 100Km)
有個Sport 同 手動 mode. 好玩到痺. 個樣唔惡 or 樣衰 (見仁見志), 但 佢係一部好 '牛' 的車 (750cc 可想而知 點都 有返咁上下喇).
雙離合器, 加減 波, 只聽到 少少聲, 無 chock 上 chock 落, 拖波 無影無蹤.
前後 50 : 50 . 起大架 易到痺. 同我 以前 部 街車 Bandit 650. 差天同地. 太感動 了.
無得拖波嘅車, 好似 羊 咁, 落 高山 始終有點不安. 尼個 我買佢 係其中一個主要原因. 唔係我平平地買  SYM 600i 算 (6 萬). 尼部唔算貴, 日本做都係 7萬9.

xp530 賣 十萬, 我又可慳 返2萬, 我又 750cc 對比 500cc. 點都抵食喇, 如果用 抵的角度. 又玩 三年 睇 到時有乜車好玩.
返回列表